好幾個星期之前逢星期六深夜都會捕喺電視機前,目的係為咗睇星鬥士星矢......雖然係好耐以前既卡通,但係依家一路都仲出緊新版,有新既故事,乜篇物篇咁.....
岩岩係無線播完既就係咩十二宫冥王篇(好似係),好鬼好睇.....估唔到會令我追嚟睇...
返公司同亞基傾開計,佢話有睇開,仲話有 DOWNLOAD 最新版本黎睇添,咁我梗係唔放過哩個機會啦,叫佢返屋企 SEND 晒俾我,咁我就可以慢慢嘆喇...
前晚佢 SEND 咗俾我,結果要成晚唔熄機先收得晒.....加埋成個 FILE 有成 1.4GB ......要 4 個幾鐘.....
今日睇咗兩集,發覺劇情同之前果 D 好似.....因為有 9 成都係講星矢......每集都出現最少十次既句白就係哩兩句.....雅典娜莎織小姐(星矢大叫),及天馬流星拳.......加埋永遠打不死的星矢...
天馬流星拳
1 則留言:
我都有睇,不過唔係追個隻,都係來來去去小宇宙前小宇宙後囉....但係我一睇就諗點解啊信唔係女人? 唔知大結局會唔會話佢其實係人妖呢? :P
張貼留言