我的第一次...

第一次喺度同大家見面,好開心呀!!
雖然做左咁多年人,但係都未試過咁樣分享自己既野架,所以有小小緊張添.重有就係自己既文筆唔係咁好,希望各位都睇得明我講乜啦.
今日就等我講下自己既近況先啦,其實近排自己覺得好"攰"呀,無論係"身"定"心"都有咁既感覺.一來可能啱啱調左去第二間鋪,果度比較忙啦,二來返工時間又比之前長左好多(朝早 10 至夜晚 10),所以覺得辛苦左囉.返哩度唔夠半個月,黎緊又要調去第二度喇,雖然自己唔係咁想調鋪,但係都唔到我去選擇,只可以答"好".
過多兩日調左鋪既話,我返工既路程又會長左好多喇,會由尖沙咀變左銅鑼灣.....,撘車既時間就會長左好多,真係好辛苦呀!!
今日阿明(同事)問我 12 月去唔去離島玩下,我都好想去呀,好鐘意離開香港果種感覺,好似放低晒所有野,乜都唔洗理咁,好鬼舒服架,仲有可以燒野食,呵呵~~(唔知去唔去得成呢)